Малави елінде қуаңшылық болып, елдің негізгі кәсібі жүгері шаруашылығы шатқаяқтады. Біріккен Ұлттар Ұйымының азық-түлік агенттігі Оңтүстік Африкадағы мемлекетке қатысты жоғарғы деңгейдегі төтенше жағдай жариялады. Елде аштық белең алуда. Қазір 18 млн халықты азықпен қамту үшін 204 млн доллар керек. Бұдан басқа Оңтүстік Африканың Лесото, Мадагаскар, Мозамбик, Свазиленд, Замбия және Зимбабве мемлекеттерінде жағдай мүшкіл.  «Жергілікті халықтың негізгі азығы – жүгері. Жауын-шашынның азайып, қуаңшылықтың белең алуынан егін шықпай қалды. Егер жүгері болмаса, аштық басталады. Сондықтан, осындағы жұртқа ыстық ауа райына шыдамды басқа дақылдарды өсіруге кеңес беріп, қолұшын созып жатырмыз», – дейді азық-түлік саласының маманы Питер Кэниай.