Ливанның ішкі істер министрлігі Сириядағы азаматтық соғыстан бас сауғалап келген босқындардың шектен тыс көбейіп кеткеніне алаңдаушылық білдірді. Қазіргі уақытта Ливан аумағында шамамен 1,1 млн сириялық босқын тұрып жатыр. Олардың қатары күннен күнге артуда. «Елде сириялық босқындар үлесі 35%-ды құрайды. Олардың көбісі ешқайда ресми тіркелмеген», - деді ІІМ жетекшісі Жебран Бассил. Сириялық босқындарды тегін электр энергиясымен қамтамасыз ету үшін мемлекет тарапынан ай сайын 100 млн доллар бөлінеді. Басқа әлеуметтік шығындарды есептемегенде, осының өзі Ливанның бюджетіне үлкен салмақ салып отыр. Бұған қоса, босқындар лагерінде тәртіпті қадағалаудың өзі түйткілді мәселеге айналған.