Кейде кездесоқ жағдай жіптің күрмеуін ағытып жіберетіні бар. Ол ол ма, қол жеткізу мүмкін еместей көрінетін арманыңның орындалуына себеп болып жатады. Тура осыған ұқсас жағдай орын алды. Түріктер кезекті сериалын түсіріп жатқан кезде түсіруші топқа егде тартқан ер адам келіп, ұшқышсыз ұшатын аппаратқа қызығушылық танытады. Ол аппаратты ары айналдырып, бері аударып, қолына ұстап көреді. Өмірінде мұндай нәрсені көрмеген ол: «Бұл аппарат мені Меккеге жеткізе ала ма?» деп сұрайды. TRT телеарнасының қызметкерлері бұл сәтті Твиттер әлеуметтік желісіне жүктеген екен. «Оны үлкейтіп, мені Меккеге жеткізе аласың ба?» деп жалғыз сауалын қояды. Әлеуметтік желіде бизнесмендері бар, басқалары бар, қолдарынан келгенше қолұшын созып, қаражат жинап береді. Оның қайда тұратынын, оны қалай табу керектігін ешкім білмейді. Ганнадағы түрік елшілігі мен полиция ұзақ уақыт іздестіріп, тауып алады. Оның қасиетті сапарға аттандыруды сыртқы істер министрлігі өзі ұйымдастырады. Ал асқақ арманы орындалған әл-Хасан Абдолла мұның бәрін өзінің Аллаға еткен дұғасының қабыл болғанынан көреді.