KAZINFORM – Кувейт мұнай корпорациясы (KPC) Кувейттің Парсы шығанағындағы Файлака аралының шығысында Әл-Нохата «алып» мұнай кен орнын анықтағанын мәлімдеді, деп хабарлайды dw.com.
Корпорацияның бас директоры шейх Наваф Сауд әл-Сабах жексенбі, 14 шілдеде KPC-тің Х әлеуметтік желісіндегі парақшасында жарияланған бейнеде оның қоры елдің бүкіл өндірісінің үш жылдық құнына тең деп мәлімдеді.
Әл-Сабахтың айтуынша, алдын ала есептеулер кен орнында шамамен 2,1 млрд баррель мұнай мен 5,1 трлн текше фут газ болуы мүмкін, бұл шамамен 3,2 млрд баррель мұнайға тең.
Кувейт әлемдегі ең үлкен мұнай қорына ие. Мұнай экспорттаушы елдер ұйымының (ОПЕК) мәліметінше, 2022 жылдың соңында бұл көрсеткіш бойынша ол әлемде алтыншы орынды иеленді және елдің жалпы мұнай қоры 100 млрд баррельден асады немесе дүние жүзіндегі жалпы қордың 6,55%-ын құрайды деп бағаланған.
