Ғаламдық қарыз мөлшері, соның ішінде, мемлекеттер мен жекеменшік секторы бар, рекордтық деңгейге жеткен – 188 трлн доллар. Бұл көрсеткішті жаһандық жалпы ішкі өнімге шаққанда шамамен 230%-ды құрайды. Бұл жайында Халықаралық валюта қорының жаңадан тағайындалған басқарушы директоры Кристалина Георгиева Вашингтон қаласында, жыл сайын өтетін Annual Research Conference экономикалық зерттеу жиынында мәлім етті. Оның айтуынша, қарыз мөлшерінің көп бөлігі жекеменшік сектордың мойнында. Яғни, жалпы әлемдік қарыздың үштен екісі осы жекеменшік сектордың үлесінде. Қарыздың ұлғаюына байланысты әлем экономикасының өсу қарқыны жылдан жылға кеміп келеді. Қарыз адымын аштырмаған әлем экономикасы дағдарыс алдында тұр.