Биыл күллі әлем бойынша жұмыссыздық деңгейі 5,2 пайызға дейін өседі. Бұл жайында islam.kz порталы Халықаралық еңбекті қорғау ұйымының жыл сайынғы баяндамасында келтірілген деректерге сілтеме жасай отырып мәлім етеді. Өткен жылы жаһандағы жұмыссыздық көрсеткіші 5,1 пайызға жеткен болатын (2022 жылы бұл тараптағы көрсеткішпен салыстырғанда 0,2 пайыз төмен құлдыраған). ХЕҰ мәліметінше, биыл тағы екі млн адам екі қолға күрек таппай сенделіп қалады. Аталмыш баяндамада өткен жылы табысы жоғары елдерде жұмыссыздық деңгейі 4,5 пайызды, ал табысы төмен елдерде 5,7 пайызды құрағаны атап көрсетілген. ХЕҰ, сондай-ақ, бейресми жұмыспен қамтылғандар қарасы әлемдік жұмыс күшінің шамамен 58 пайызын құрайтынын алға тартып отыр.