Компьютерлік ойындар оқушылардың сабақ үлгірімін едәуір төмендетеді. Барселонадағы Автономды университет ғалымдары жүргізген зерттеулерден соң осындай қорытындыға келген. Бұл жайында nur.kz сайты 24 kz телеарнасына сілтеме жасай отырып, хабар таратты.

Сондай-ақ қалта телефондарының да балаларға келтіретін пайдасы шамалы екендігі анықталды.

Бұл ғылыми зерттеуге 5,5 мыңға жуық шәкірт қатысқан. Зерттеу қорытындысына сәйкес, тәулігіне кемінде 1 сағаттан астам уақыт бойы компьютерлік ойын ойнаған оқушылардың есте сақтау қабілеті нашарлаған.

Ғаламторға жиі кіріп, онда тұрақты отыратын жасөспірімдердің оқуға деген ынтасы төмендеп, физикалық белсенділігі кеміген.

Ал ата-ана назарынан тыс қалып, ғаламторға шектен тыс үйір болып кеткен балалар арасында ішімдік ішу мен тіпті есірткілік заттар пайдалану жағдайлары да кездесіп отыр.