Карикатуралық кітаптар шығарған баспа жабылды

Үндістанда карикатура сызып, ардақты Пайғамбарымызға (Алланың оған игілігі мен сәлемі болсын) кескін берілген суреттері бар кітаптарды шығарған баспа біржолата жабылып тасталды.

Осы жылдың 29 қаңтарында Үндістан полиция қызметкерлерінің тарапынан Хайдарабадтағы «Bndelh induizm» баспасының іс жүргізуі тоқтатылды. Оған себеп, баспаның шығарған діни мазмұндағы кітаптың мұқабасы. Онда ардақты Пайғамбарымызды (Алланың оған игілігі мен сәлемі болсын) мысқылдап сызылған крикатура бейнеленген.

Осылайша «Bndelh induizm» баспасының жұмысына үзілді-кесілді нүкте қойылды. Басылған кітаптардың барлық нұсқалары тәркіленіп, өртеп жіберілді. Сондай-ақ, баспа редакторы мен оның орынбасарлары қылмыстық жауапкершілікке тартылды.