«Бұл күндері ауа-райы тіптен ыстық болып кетеді. Ақша үнемдемек болып осы станса аралығын жаяу басып өтетін жандар да бар. Бірнеше шақырымды жаяу жүріп келген олардың қатты қаталап тұратынын жақсы білемін. Міне, мен солар үшін су тасимын», – дейді Ражкумар Сингхания.

Қария соңғы кездері су толтырылған бөтелкелерге қоса, дәрі-дәрмек қобдишасын да қоса алып жүретін болған. «Бірде соңғы пойызбен түнделетіп үйге келе жатып, ауырып отырған бір жанды көзім шалды. Сонда барып оның жеті қараңғы түнде дәріні қайдан іздейтінін ойландым. Содан бері алғашқы көмек көрсетуге қажетті дәрі-дәрмектерді салып жүретін болдым», – дейді ол.