Сириядағы қырғынға байланысты жақын туған-туыстарынан айырылған мына екі ағайынды жеткіншек жердегі нан қоқымдарын теріп күнелтіп жүр. Жергілікті тұрғындардың бірі балаларға сұрақ қойып, таспаға түсіріп алған көрінеді. Екеуінің арасындағы ересектеуі қыз бала. Қасындағы інісі. Тағдыр тауқыметі ерте есейтсе керек, қойған сұрақтарға кішкентай қыз нақты әрі ересектерше жауабын беруде. Қанша қиыншылық көрсе де сабыр етіп, бір Алладан күдерін үзбеген. Бұл жағдайды сынақ деп қабылдап, тірі жанға өкпелері жоқ екенін айтады. Жақсылықты тек бір Алладан ғана күтетіндіктерін жеткізген оларға қарап тәнті боласың.