Міндетті медициналық сақтандыру қорының басшысы Марат Қалиевтің айтуынша, сырқат адамдарды тасымалдауға көп ақша жұмсалады.

«Тасымалдауды ақылы қылатын уақыт келді. Әрине, жедел жәрдем тегін болып қалатын азаматтардың бөлек тобы болады. Шетелде ешкім жедел жәрдемді «бостан-босқа» шақырмайды. Өйткені қалтасынан ақша шығарғысы келмейді», - деді Марат Қалиев.

Ол жаңа жүйені аймақтардан бастауды ұсынды. Өйткені ол жақтарда шақырту аз. Оның ұсынысын денсаулық сақтау министрі Талантбек Батырәлиев қолдады. Министр қолдауын денсаулық сақтауға үнемі ақша жетпей жатады деген себеппен түсіндірді.