Британ саясаткері, консервативтер партиясының мүшесі Дэвид Бишоп Twitter әлеуметтік желісінде асыл дінімізді қаралағаны үшін партия қатарынан шығып қалды. Ол Эксес графтығына қарайтын Брентвуд қалалық кеңесінің мүшелігіне сайлауға түсуге ниет білдірген болатын. Аузынан қағынып, бұл мүмкіндіктен де айырылды. Артынан бұл қылығына өкінетінін білдіргенімен оған кері оралуға мүмкіндік беретін есік тарс жабылған еді.

Осының алдында осы елдегі тәуелсіз партияның мүшесі Гарри Перридің  Facebook әлеуметтік  желісінде ислам дініне жала жапқаны үшін партия қатарынан шығарылғанын хабарлаған едік.

Дэвид Бишоптың бұдан сабақ алмағаны өкінішті.