Бір жыл ішінде Иранның әскери саладағы өнімдерінің экспорты 1 млрд долларға жеткен. Бұл жайында islam.kz порталы өз кезегінде аталған елдің қорғаныс министрінің орынбасары, генерал Мәді Фарақ мәлімдемесіне жөн сілтеген ТАСС ақпарат көзіне сілтеме жасай отырып мәлім етеді. Министр парсы елінің қазіргі уақытта қосалқы бөлшектер мен құрастыруға қажетті деталдарды ғана өндіретінін, алайда, алдағы уақытта алдыңғы қатарлы әскери өнімдер мен техникалар өндірісіне көшетінін жеткізді. Соның ішінде гибридті соғысқа арналған жаңа технологиялар әзірленіп жатқанын да жасырмады. Иран озық технологиялы қару-жараққа экономикалық шектеулер мен қару-жарақ эмбаргосына қарамастан сұраныс болатынын дәлелдеп берді.