Қасиетті Меккеде Харам мешітіне іргелес аумақта алғаш рет «қысқа мерзімді» балабақша ашылды. Кішкентай бүлдіршіндердің бос уақытын өткізуге қажетті нәрселермен толықтай жабдықталған жаңа балабақша ұмраға келген қажыларға жасалған жағдайдың бір парасы. Бұл жайында islam.kz порталы Siasat ақпарат көзіне сілтеме жасай отырып мәлім етеді. Ойын бөлмесі мен балалар тынығатын жатын бөлмесі бар бала бақша тәулік бойы жұмыс істейді және 6 жасқа дейінгі балаларды жібереді. 3 сағатқа дейін тегін қызмет көрсетеді, егер бұл уақыттан ұзаса, ақылы жүйеге көшеді. Бұл бала бақша 80 балаға шақталған.