Астана қаласы бойынша ҚР АШМ өсімдіктер карантині жөніндегі мемлекеттік инспекторлары Нидерландыдан әкелінген 389 дана залалданған раушан гүлін анықтады. Бұл жөнінде ведомствоның баспасөз қызметі хабар таратты

«Астана Халықаралық Әуежайы» фитосанитариялық бақылау бекетінде карантиндік тексеру кезінде гүлдерден нұсқалар алынып, Республикалық карантиндік зертханаға жіберілді. Сараптама нәтижесі бойынша гүлді трипс анықталды. Карантиндік объектілермен залалданған өнім кеден, экология өкілдері мен жүк иесінің қатысуымен өртеу арқылы жойылады" делінген аталған хабарламада.

Қазіргі таңда батыс (Frankliniella occidentalis) гүл трипсі жабық жерде өсірілетін гүлді, декоративті, көкөніс дақылдарының аса қауіпті зиянкесі болып табылады.