Германияның Дрезден қаласындағы «Ташенберг» сарайында әлемдегі ең құпия конференция өтіп жатыр. Мұнда «Бильдерберг» клубының мүшелері кездеседі. Оған мемлекет басшылары мен тарнсұлттық корпорация директорлары, қаржыгерлер мен банк саласының өкілдері және өзге де ықпалды тұлғалар кіреді. Клубтың алғашқы отырысы 1945 жылы өткен. Содан бері оның мүшелері жылда жиналып тұрады. Және мұндай кездесулер үнемі қарсылыққа тап болып жатады. Биыл да жиын кезінде жиырмаға жуық ереуіл өтеді деп күтілуде. Наразылық акциясына шыққандар жабық конференция қатысушыларын құпия келісімдер жасағаны үшін кінәлайды. Биыл кездесуге әлемнің 20 елінен 130 адам қатыспақ. Клуб сайтында оның мүшелері Еуроодақтағы көші-қон дағдарысы мен Таяу Шығыс ахуалын және АҚШ-тағы президент сайлауы мен Қытайдың әлемдік орны, оған қоса Ресей ұстанған саясатты талқылайтыны хабарланған.