Бұған негізінен үш фактор ықпал етпек: халықтың қартаю процесі, жаһандық интеграциялық жүйе, биотехнология. Бұл жайында islam.kz порталы South China Morning Post ақпарат көзіне сілтеме жасай отырып мәлім етеді. 2024-2030 жылдар аралығында кірісі 50 пайызға болжанған Қытайдың фармацевтикалық өнеркәсібі ұлттық экономиканың жаңа қозғаушы күшіне айналды, себебі, нарықтағы жетекші ойыншылар зерттеулер мен өндіріске инвестицияларды ұлғайтуда. UBS есебі бойынша бұл сала 2030 жылға қарай жылына 2,1 триллион доллар табысқа кенеледі, ал 2050 жылға таман жылына 3,2 триллион доллардан асатыны болжануда. 2024 жылы сектор табысы 1,4 триллион долларға жеткен. «Халықтың қартаюы фармацевтикалық компанияларға үлкен серпін береді», - деп мәлімдеді UBS-дегі Қытайдағы денсаулық сақтау зерттеулерінің жетекшісі  Шен Шен. Инновациялық дәрі-дәрмек - жаңа химиялық заттар мен биологиялық дәрілік заттардан тұрады. Әсіресе, биотехнологиялық компаниялардың инновация бағытындағы күш-жігері ауыз толтырып айтаатын жетістіктерге жеткен. Shanghai Henlius Biotech бас директоры Жу Жун дәрі-дәрмекті өндіру мен тіркеуден бастап зерттеуге дейін процестерді қамтитын интеграциялық жүйе жаһандық нарықта клиникалық және коммерциялық мақсатта пайдалануды оңтайландыратынын алға тартып отыр. 2010 жылы негізі қаланған Fosun Pharmaceutical спин-оффы, яғни, Henlius бүкіл әлем бойынша 60 нарыққа 10 дәрі-дәрмек жеткізіп, 95 миллион науқастың дертіне шипа дарытқан. Аталмыш компания өз өнім портфелін 2030 жылға қарай 20-ден астамға дейін екі есе арттыруды алдына мақсат етіп қойды. «Henlius сияқты компаниялар қытайлық биотехнологиялық компаниялардың өсу жолын айқын көрсетті», - деді Domo Medical шанхай консалтингтік компаниясының аға басшысы Мен Тианин. «Олар биосимилярлардан бастап, есірткі бойынша инновациялық интернационалды ойыншыға айналды, деп мәлімдеді. Осы орайда биоссимиллярдың не екенін оқырманға қысқаша түсіндіре кетпекпіз: биосимилярлар - бұл түпнұсқа өнімге патент аяқталғаннан кейін өндірілуі мүмкін түпнұсқа өнімдердің ресми мақұлданған нұсқалары. Henlius компаниясы онкология және аутоиммунды аурулар сияқты салаларды да қамтиды, сондай-ақ, халықаралық нарықта экспансиясын нығайту үшін антиденелер мен препараттар конъюгаттарына, мультиспецификалық антиденелерге және трихлорэтилен препараттарына молынан инвестиция салды. 2025 жылдың бірінші жартысында Henlius гонконгтық компаниясы 390 миллион юан (56 миллион доллар) таза пайда көргенін хабарлады, бұл көрсеткіш өткен жылғысымен салыстырғанда өзгерген жоқ. Түсім 2,7 пайызға өсіп, 2,8 миллиард юанға жетткен. Қытайдың дәрілік заттарды зерттеумен айналысатын медициналық өнімдерді бақылау жөніндегі ұлттық басқармасының келтірген мәліметіне сәйкес 2024 жылы 51,9 миллиард доллар сомаға жасалған 94 мәмілемен салыстырғанда, барлығы 135,7 миллиард доллары сомасына лицензиялау бойынша 157 мәмілеге қол қойылған. Желтоқсан айында Қытайдың шығысында орын тепкен Жиансу провинциясындағы Innovent Biologics компаниясы Гонконг қор биржасының жетекші эталоны Hang Seng Index индексінің бірден-бір жалғыз компонентіне айналды - жапондардың Takeda Pharmaceuticals компаниясымен қатерлі ісікке қарсы үш зерттеу дәрісін бірлесіп әзірлеу және коммерцияландыру үшін 11ғ4 млрд долларға лицензиялау жөніндегі келісімге қол қойғаннан кейін. Қаңтар айында Анхой провинциясының орталығындағы Сужоу қаласында орналасқан GeneQuantum компаниясы америкалық Biohaven Pharmaceutical және оңтүстік кореялық AimedBio компаниясымен антиденелердің конъюгаттары - обырға қарсы дәрі-дәрмекті қамтитын аутсорсингтік мәміле аясында 13 миллиард доллар инвестиция тарту бойынша келісімшартқа қол қойды. Бұл арада дәрі-дәрмекті  қатерлі ісік жасушаларына жеткізу үшін антиденелерді пайдалануды ұйғаратын келісім турасында сөз болып отыр. Ал мамыр айында Лионин провинциясының солтүстік-шығысындағы Шаниан қаласында орналасқан 3SBio компаниясы америкалық Pfizer трансұлттық компаниясымен өзінің SSGJ-707 онкологиялық дәрісіне 6 миллиард доллар сомасына лицензиялық келісімге қол қойды. Осыдан кейін 12,5 миллиард доллар сомасына келісім жасалды. Аталған келісім аясында Қытайдың нарықты капиталдандыру жөніндегі ірі фармацевтикалық компаниясы Jiangsu Hengrui Pharmaceuticals және британиялық GlaxoSmithKline компаниясы өкпенің созылмалы обструктивті ауруын емдеуге арналған HRS-9821 дәрісін әзірлейтін болады.