Еуроодақтың сыртқы істер және қауіпсіздік саясаты жөніндегі жоғары лауазымды өкілі Федерика Могерини терроризмге қарсы күресте арабтармен күш біріктіретіндерін мәлімдеді. Бұл жайында Associated Press ақпарат көзі хабар таратты. Еуроодаққа мүше елдердің көбісі бұл бастаманы құптаған көрінеді. Яғни, мұсылмандарды бірыңғай терактіге қатысы бар деп айыптай бермей, олармен бірігіп әрекет етуді мақұлдаған. Мәселен, Бельгияның сыртқы істер министрі Дидье Рейндерс ол үшін араб елдерімен ақпарат алмасудың маңыздылығын тілге тиек етті. Айта кетейік, қазіргі уақытта терроризм мәселесі еуропалықтардың күн тәртібінде өткір тұр.