Демікпе ауыр инфекциялық аурулардың қатарына жатады және жүрек ауруларынан, инсульттан, обыр мен диабеттен кейін бесінші орында тұр. Бұл туралы «Аман-Саулық» қоғамдық қорының баспасөз қызметі хабарлайды.

Адамның тыныс алу жүйесі зат алмасуы мен ағзаның тепе-теңдігін қамтамасыз етеді. Тыныс алу жасушаларын оттегімен қамтамасыз етеді, көмірқышқыл газын және басқа да тіршілікке себепкер факторларға жауапты. Өкпе және бронхтарды зақымдайтын аурулар бар. Мұндай аурулардың бірі – демікпе.

Бронх демікпесі ересектердің 5% және балалардың 10% зардап шегетін ең көп таралған созылмалы аурулардың бірі болып табылады. ДСҰ анықтамасы бойынша бүкіл әлемде 235 млн адам демікпемен ауырады.

Дүниежүзілік демікпемен күрес күні жыл сайын мамыр айының бірінші сейсенбісінде атап өтіледі. 2019 жылы ол 7 мамырға түсіп тұр. Бұл күн ДСҰ бастамасы бойынша құрылған және демікпемен сырқаттанушылықтың өсу проблемасына жұртшылықтың назарын аударуға, демікпеге көмек көрсету сапасын арттыруға және адамдардың бұл ауру туралы хабардар болуына бағытталған. Алғаш рет Бүкіләлемдік демікпеге қарсы күрес күні 1988 жылы аталып өтті.

Демікпе грек тілінен аударғанда «ауыр тыныс» дегенді білдіреді. Бұл терминнің авторы – Гиппократ. Көптеген ғасырлар бойы ғалымдар осы аурудың себебін зерттеуге тырысты және тек ХХ ғасырда демікпенің себебі, аллергиялық реакция, сыртқы тітіркендіргішке (химиялық, биологиялық, физикалық) жауап ретінде бронхтардың жергілікті қабынуы екені анықталған.

Қазақстанда демікпемен ауыратын адамдардың саны жыл сайын артып келеді. Денсаулық сақтау министрлігінің соңғы мәліметтері бойынша демікпемен сырқаттанушылық 100 000 адамға шаққанда 56,3 кездескен жағдайларды құрайды, ал бұл 10 000 жуық адам саны. Бірақ респираторлық аурулардың таралуы бойынша ТМД елдерінің аумағында CORE-бірінші халықаралық эпидемиологиялық зерттеудің нәтижелері ҚР Денсаулық сақтау министрлігінің ресми көрсеткіштерімен 17 рет тарайды.

Балалар арасында аллергия өршіп тұр

Ақтөбелік дәрігерлер аллергиямен емделіп жүргендердің жасарып бара жатқанына алаңдап отыр, - деп хабарлайды "Ақтөбе жаңалықтары". 

Балалар ауруханасында өткен шараға осы дертпен жиі шағым айтып келетін ата-аналар шақырылған. Аллергияны тұмаумен шатастырып алғандар ауруын асқындырып алған. Мамандар дер кезінде ем алмаса маусымдық аллергияның қауіпті екенін ескертеді.

"Сәуір айынан бастап маусымдық аллергиялық асқынулар басталды. Екі-үш аптадан бері адамдар дамылсыз келіп жатыр. Қазір гүлдер өсіп, ағаштан жапырақтар шыққанда олардың тозаңдары ұша бастайды. Бұл уақытта ерте көктемгі аллергиямен ауыратындартың саны күрт артады. Ал 15 мамыр мен 15 маусым аралығында арамшөп аллергиясы басталады. Ол кезде мұрын бітіп, көз қышып, құрғақ жөтел белгілерін береді. Оны дер кезінде емдемесе тыныс жолдарын бітеп, демікпеге әкеліп соғады. Бүгінге кездесуде ата-аналарға қалай күтіну жолдары айтылды",- дейді балалар аллергологы Лиза Дүйсенова. 

Мамандардың айтуынша, қазір балалар ауруханасына күніге кемі 5 адам қабылдауға келеді.

"Бізде бір жағдай болды. 8 жастағы балаға аллергия конъюнктивит түрінде белгі берген. Ата-анасы баланың жағдайына көңіл бөлмеген, дәрігерге де қаратпаған. Бала 10 жасқа келгенде демікпелі астмаға шалдықты. Қыз баланы біз бір жыл емдедік. Үздіксіз базалық тексерулер жасалынды", - дейді дәрігер.

Мамандар ата-аналарға дәрігерге дер кезінде қаралу керектігін ескертеді.

Балалар аллергологы Лиза Дүйсенова