Францияның Грэл коммунасының тұрғындарына демалыс және мереке күндері өз үйлерінде өлуге тыйым салынды. Осы мәселеге қатысты тиісті жарлықты аталмыш коммуна басшысы Изабелл Джюле шығарды. Оның мұндай шешім қабылдануына коммунада дәрігерлердің жетіспеушілігі себеп болған. «Жарлықтың астарында денсаулық сақтау саласындағы үлкен проблема бұғып жатыр»,- деп мәлімдеді ол. Француздардың бұқаралық ақпарат құралдарының таратқан хабарына қарағанда, аталмыш жарлықтың шығуына коммуна тұрғындарының бірінің өлімін растайтын дәрігерді қала басшысының өзі іздеуіне мәжбүр болғаны түрткі болған.