Дүниежүзілік денсаулық сақтау ұйымының мәліметтері бойынша, инфекциялық және паразитарлық аурулар өлім-жітімнің 25%-ын, яғни жыл сайын шамамен 16 миллион адамды құрайды. Бұл туралы Нұр-Сұлтанда  өткен «Жаһандану жағдайындағы инфекциялық аурулар: мәселелер мен шешімдер» қазақстандық алғашқы конгресінде айтты.

Конгрестің ұйымдастырушылары: ҚР Денсаулық сақтау министрлігі, ҚР ДСМ Қоғамдық денсаулық сақтау ұлттық орталығы, Астана медицина университеті және Инфекционист дәрігерлер қоғамы Санофи компаниясының қолдауымен.

Қоғамдық денсаулық сақтау ұлттық орталығы директорының  орынбасары Руслан Сатывалдеевтің айтуынша, инфекциялық аурулармен тиімді күресу үшін бір ғана медицинаның күші жеткіліксіз: білім, ғылым және практиканың, медициналық, ветеринарлық ғылымның, сондай-ақ әлеуметтік қорғау қызметінің, психиология және отбасының бірлесуі керек. Салауатты өмір салтына бейілділікті қалыптастыру, инфекциялық аурулардың алдын алу туралы ақпараттылықты арттыру маңызды рөл атқарады. 
 
«Дүниежүзілік денсаулық сақтау ұйымының мәліметтері бойынша, инфекциялық және паразитарлық аурулар өлім-жітімнің 25% құрайды, яғни жыл сайын шамамен 16 миллион адамды құрайды. Жаңа инфекциялардың пайда болуы, микроорганизмдердің айналымдағы штамдарының генетикалық өзгергіске ұшырауы халықтың эпидемиологиялық салауаттылығын қамтамасыз ету саласында қарқынды жұмысты қажет етеді. Осыған орай, биыл көктемде Қазақстан Республикасы Денсаулық сақтау министрлігінің Ұлттық денсаулық сақтау орталығында Халықаралық денсаулық сақтау ережелері мен жаһандық денсаулық сақтау бағдарламасының аясында Қоғамдық денсаулық сақтау саласындағы төтенше жағдайлар жөніндегі жедел орталық ашылды. Жедел орталықтың негізгі міндеті – биологиялық, химиялық және радиациялық қауіптерге жауап кезіндегі әрекетті бақылау және үйлестіру», - дейді Руслан Сатывалдиев.

Қоғамдық денсаулық сақтау ұлттық орталығы директорының өткен жылдан бастап денсаулық сақтаудың ДДҰ анықтаған он негізгі функциясына негізделген Қазақстанның денсаулық сақтаудың жаңа қызметі өз жұмысын бастағанын айтты.

«Тиімді салааралық ынтымақтастық үшін үкімет жанынан Ұлттық денсаулық сақтау үйлестіру кеңесі құрылды және жұмыс істейді, сондай-ақ аудан әкімдіктері, ауылдық округтер, алғашқы медициналық-санитарлық көмек ұйымдары, орталық аудандық ауруханалардың қатысуымен облыстық деңгейде және ведомстволық үйлестіру кеңестері жұмыс істейді. Қазіргі уақытта барлық денсаулық сақтау қызметкерлерінің әлеуеті белсенді түрде өсуде. Салааралық күш-жігердің арқасында ДДҰ «Салауатты қалалар мен аймақтар», «Салауатты мектептер», «Салауатты университеттер» және «Салауатты жұмыс орындары» жобаларын бастады», - дейді ол.

Сондай-ақ, қазіргі уақытта жұқпалы емес аурулардың алдын алудың жаңа басымдықтарына негізделген, әр адам үшін де, жалпы қоғам үшін де ынталандыруды күшейте отырып, олардың денсаулығына ортақ жауапкершілікті қамтамасыз етуге негізделген «Халық денсаулығы және денсаулық сақтау жүйесі туралы» Қазақстан Республикасының жаңа кодексінің жобасы әзірленді.

Конференция барысында инфекциялық аурулардың алдын алу саласындағы жаңа өңдеулер, сондай-ақ тұмау, ЖРВИ, нейроинфекциялар мен пневмония, ішек, зоонозды,  тропикалық инфекциялар, паразитарлық аурулар, вирустық гепатиттер, АИТВ/ЖИТС және басқалар сияқты халық арасында қоғамдық денсаулықты қорғауға ықпал ететін инфекциялардың таралуы бойынша өсімнің басты себептері талқыланды. 

Иммунолог: Инфекциялық емес аурулар болмайды

Инфекциялық емес деп саналатын онкологиялық, жүрек-қантамыр және қант диабеті дерттері инфекция нәтижесінде пайда болады. 

Бұл туралы Нұр-Сұлтанда өткен «Жаһандану жағдайындағы инфекциялық аурулар: мәселелер мен шешімдер» қазақстандық алғашқы конгресінде иммунолог Борис Каральник айтты.

«Инфекция – жер бетіндегі тіршілік эволюциясының негізгі, тіпті басты факторларының бірі болуы мүмкін. Инфекция атаулыны түбегейлі жою – ең күлкілі міндет. Совет Одағы тұсында, 1950 жылдары медициналық мекемелердің қабырғасында «Инфекциясыз коммунизм» деген ұран сөздер ілініп тұрған. Бұл насихаттаушылардың қаншалықты сауатсыз болғандығын көрсетеді. Инфекцияның болуы – қайғылы жағдай емес, қайғылы жағдай – инфекцияның адам денсаулығына қауіп төндіретіндігі. Ғылымның дамуы арқасында вакцина арқылы инфекцияларды қадағалауды үйренік. Былтыр Дүниежүзілік денсаулық сақтау ұйымы адам денсаулығына қауіп төндіретін он қауіпті айтты. Он қауіптің алтауы – инфекциялық қауіп. Жыл өткен сайын антимикробтық препараттарға төзімділік артып келеді», - дейді Борис Вольфович.  

Иммунолог инфекциялық аурулардан гөрі инфекциялық емес ауруларға назар аудартқылары келетіндердің әрекеттері күлкі келтіретінін айтты.

«Мәселе олай етуге негіз жоқ екендігінде емес, мәселе – инфекциялық емес аурулардың өзі шын мәнінде инфекциялық ауруға жататындығында. Инфекциялық емес ауру түрлеріне онкологиялық, жүрек-қан тамырлары және қант диабеті ауруларын мысалға келтіреді. І типті диабет ауруының тууына Коксаки вирустарының бірі әсер ететіні дәлелденген. 2010 жылы онкологиялық аурулардың 21%-ы вирустан пайда болатыны дәлеледенді. Бүгінгі күнге дейін бұл көрсеткіш өскен де болар. Жүрек-қантамыр аурулары, мысалы атеросклероз дерті қантамырдың шырышты қабатының әртүрлі инфекциялар саларынан зақымдалуынан пайда болатыны дәлелденді. Демек, инфекциялық емес дерт болмайды, сондықтан адам денсаулығына қауіп төндіретін нәрселердің бірі –  вакцинациядан бас тарту», - дейді иммунолог.

Конгресс ҚР Денсаулық сақтау министрлігі, ҚР ДСМ Қоғамдық денсаулық сақтау ұлттық орталығы, Астана медицина университеті және Инфекционист дәрігерлер қоғамы Санофи компаниясының қолдауымен өтуде.