Дүниежүзілік денсаулық сақтау ұйымы аспартам тәттілендіргішін канцерогенді заттар тізіміне енгізді. Бұл жайында islam.kz порталы bbc.com ақпарат көзіне сілтеме жасай отырып мәлім етеді. Аспартам қатерлі ісік тудыруы мүмкін зат. Алайда, 1980-ші жылы пайда болған бұл затқа басы бүтін тыйым салуға оның обырға бастайтын қатерінің нақты дәлелденбегені себеп болып отыр. Аспартам Coca-Cola Zero секілді көптеген қантсыз сусындардың ингредиенті. Ол қанттан 200 есе тәтті болғанымен құрамында калория жоқ. ДДСҰ-ның қатерлі ісікті зерттеу жөніндегі халықаралық агенттігі (IARC) аспартамды ықтимал канцероген ретінде жіктегенімен Азық-түлік және ауыл шаруашылығы ұйымының (ФАО) азық-түлік қоспалары жөніндегі бірлескен сарапшылар комитеті аталмыш затты тұтыну мөлшері бойынша ұсыныстарды өзгеріссіз қалдырды. Оның мөлшері тәулігіне дене салмағының келісіне шаққанда 40 миллиграмнан аспайды.