БҰҰ-ның өзі жылына 2 млн тоннаға тарта көмірқышқыл газын бөледі

Біріккен Ұлтта Ұйымының барлық қызметінің жиынтығы жылына 2 млн тоннаға тарта атмосфераға көмірқышқыл газын бөледі. Бұл шағын елдердің ауаны көмірқышқыл газымен ластаудағы көрсеткішімен бірдей көрсеткіш. Бұл жайында БҰҰ есебінде айтылған. Яғни, климат өзгерісі мен жаһандық жылынуға қарсы күресте мүше елдерге үлгі көрсетуі тиіс БҰҰ-ның бұл көрсеткіші Мальта немесе Либерия секілді шағын елдердің көмірқышқыл газымен ауаны ластау көрсеткішінен асып түскен. БҰҰ СО2-мен атмосфераны ластауына авиациялық қызметті белсенді пайдалануы түрткі болып отыр.