Маусым айының 2-3-і күндері Индонезия астанасында Ислам ынтымақтастық ұйымының ұйытқы болуымен ислам туризміне арналған алғашқы халықаралық форум өтеді. Аталған жиын барысында мұсылмандардың іргелі ұйымына мүше 57 елдің туризм саласын шариғат талаптарына сәйкестендіру үшін оның қағидалары әзірленеді.

Индонезияның туризм және креативті экономика министрі Сапта Нирвандар 2030 жылдың аяғына таман әлемдегі мұсылмандардың қарасы 2,2 млрд (әлем халқының 26,4 пайызын құрайтын болады) адамға жететінін алға тартып, соған сәйкес алдағы уақытта ислам туризімінің маңызы артатынын тілге тиек етті.