Мьянмада азшылықты құраса да осы елдің байырғы тұрғындары болып табылатын рохиньялық мұсылмандарды қан қақсатып келген будда радикалдарының бір тобы есірткімен қолға түсті. Дәлірегі, есірткінің көп мөлшері олардың автокөліктерінен және ғибадат ғимараттарынан табылған. Нақтырақ айтқанда, 4 млн-нан астам метамфетамин таблеткасы тәркіленді. Арсара Мин Наинг есімді будда монахын жолда жол-көлік полициясы тоқтатқан екен. Оның автокөлігінен көп мөлшерде есірткі болған, артынан тінту кезінде монастырден де табылған. Оның екі сыбайласы да қолға түсті. Сондай-ақ, будда радикалдары жарылғыш заттармен және өзге де қару-жарақпен жарақтанған. Бұл жайында Al Jazeera ақпарат көзі хабар таратты.