«Боко Харам» содырларының 10 лагері жойылды

Нигерия әскері арнайы операция барысында елдің солтүстік-шығысында орын тепкен Борно штатындағы Самбиси орманына жасырынған «Боко Харам» содырларының 10 лагерін жойды. Бұған қоса, содырлардың бірталайы оққа ұшып, брондалған автокөліктері мен зениттік қондырғыларын қолға түсірудің сәті түскен. Аталмыш радикалды топ содырларының көзін жою мақсатында жүргізілген арнайы операцияға авиация да атсалысқан. Дәлірегі, авиация содырлардың қалай жылжығанын, қайда жасырынғанын анықтауға көмектескен. Бұл жайында «Vesti.ru» ақпарат көзі хабар таратты.