Әлемдегі жұмыссыздар саны 2023 жылы 3 миллионға артып, 2020 жылдан бері алғаш рет 208 миллионға жетеді. Бұл туралы islam.kz порталы өз кезегінде Халықаралық еңбек ұйымының (ХЕҰ) болжамына жөн сілтеген ресейлік «Жаңалықтар» ақпарат агенттігі сілтеме жасай отырып мәлім етеді. Бұл көрсеткіш әлемдік жұмыссыздықтың 5,8 пайыз деңгейіне сәйкес келеді. «Әлемдік экономикадағы қазіргі құлдыраудан сапасы мен жалақысы төмен, қауіпті және әлеуметтік қорғалмаған жұмыс орындарына тартылатын адамдардың қарасын арттыруы мүмкін», - деп болжайды ХЕҰ. ХЕҰ, сонымен қатар, әлемдегі әрбір жұмыссыз ер адамға екі жұмыссыз әйелден келетінін есептеді. Дүние жүзінде әйелдердің жұмыспен қамтылу деңгейі 2022 жылы ерлердікі 72,3 пайызбен салыстырғанда 47,4 пайызды құрады. Сондай-ақ, сарапшылар 15 пен 24 жас аралығындағы жастар арасындағы жұмыссыздық деңгейі ересектерге қарағанда үш есе жоғары екенін алға тартып отыр.