Әлемнің ең ірі экономикасы - Америка құрама штаттарындағы үйсіз-күйсіз қаңғыбастар қарасы өткен жылы рекордтық деңгейге жеткен – 650 мың адам. Бұл жайында islam.kz порталы өз кезегінде аталған елдің тұрғын үй құрылысы мен қалалық даму министрлігі келтірген дерекке жөн сілтеген ТАСС ақпарат агенттігіне сілтеме жасай отырып мәлім етеді. Бұл көрсеткіш оның алдындағы жылмен – 2021 жылғысымен салыстырғанда аттай 12 пайызға артып кеткен. АҚШ аумағындағы үйсіз-күсіз қаңғыбастардың денін афроамерикалық тұрғындар құрайды – 40 пайыз, төрттен бірі – бойынан қуаты қайтқан қарттар. Бұдан бөлек, латынамерикалықтар қарасы көп үйсіз-күйсіздер арасында. Қаңғыбастардың дені пәтер жалақысының қымбаттауына байланысты көшеде, күркеде, автокөлікте, т.б. тұрып жатыр. Бұған қоса, соңғы жылдары осы елге келген мигранттардың көбісі үйсіз-күйсіз қаңғыбас атанған. АҚШ-тың ұлттық кедейлікпен күрес жөніндегі альянс ел билігін бұл мәселені шешуді талап етуде.