Қытай фотографы Фан Ши Сан 1979 жылы қабылданған, бір баладан артық тууға шектеу қойған билік саясатын өзінше сынға алып, наразылығын сурет тілінде жеткізген екен. «Екеудің бірі» деп аталатын суреттер топтамасын назарларыңызға ұсынамыз. Екінші балаға жүкті болғандар осы саясатқа байланысты түсік жасатуға мәжбүр болады. 

Бұл елде ұл балаға артықшылық берілетіндіктен әйелдерге қарағанда ерлердің қарасы 24 млн артық болады.

2012 статистикалық мәліметке қарағанда, соңғы жылдары бұл елде қатаң демографиялық саясаттың салқынынан еңбекке жарамды жастағы адамдар саны азайған. Бүгінгі таңда қытай халқының 14 пайызының жасы 60-тан асып кеткен.

Егер бұл үрдіс сақталатын болса, 2050 жылы қытай халқының 25 пайызының жасы 65-тен асқандар құрайды екен.

Сарапшылардың айтуынша, қытай халқының отбасын жоспарлаудағы көзқарасы да өзгеріске ұшыраған. Билік тарапынан жүргізілген саясаттың бұл арада еш қатысы жоқ. Қытайлар екінші баланы бағып-қағу шығынынан қашып, бір баламен шектелуде. Бұл жайында отбасы және отбасын жоспарлау комитеті басшысының орынбасары Ван Пэй «Global Times» мерзімді басылымының тілшісіне берген сұхбатында айтты.