Танымал америкалық католик дін ағзамы (священник) Иларион Хиги әкей ұзақ толғаныстан кейін хақ жолға түсті. Бұл жайында islam.kz порталы Middle East Monitor ақпарат көзіне сілтеме жасай отырып мәлім етеді. Калифорнияда тұратын әкей бастапқыда орыс православие діни қызметкері болған, кейін 2003 жылы Антиохия православие шіркеуіне, 2007 жылы Шығыс католик шіркеуіне ауысты. Діни қызметкер көп жылдар бойы христиандықтың түрлі тармақтарының теологиялық аспектілерін зерттеді және христиан теологтарының айыптағанына қарамастан дінінің басқа салаларына дәйекті түрде ауысуы Хиларионның шындыққа деген ұмтылысын және табанды ізденісін көрсетеді. Ақырында, Хиларион әкей рухани ізденістерінің жауабын тауып, исламға бет бұрды. Қазір оның есімі – Әбділәтіп. Ол ешбір діннен теріс айналмағанын, бар-жоғы «түпкі мәніне» қайтып оралғанын жеткізді.