Сириялық құқық қорғаушылар билік басында отырған Башар Асад режимінің өз халқына қарсы соғыс барысында химиялық қару қолданғаны турасында баяндама әзірледі. Сириялық құқық қорғаушылар желісі (SNHR) келтірген мәліметке қарағанда, соғыс жылдарында Башар асад режимі өз халқына қарсы 214 рет химиялық қару қолданған. Сирия билігінің әскери әуе күштері 2017 жылдың сәуір айының 4-і күні Идлибтің оңтүстігінде орын тепкен Хан-Шейхун маңындағы елді-мекендерге хлорлы газбен толтырылған бомба тастағаннан кейін де химиялық қаруды елдің түрлі аумағында 11 рет қолданғаны белгілі болды. Жалпы алғанда, соғыс жылдарында Башар Асад режимі Дамаскі қаласына және оның маңайына хлорлы газды бомбамен 99 рет әуеден соққы берген.  Идлибке 45 рет, Алеппоға 27 рет, Хамға 29 рет, Хомсқа 7 рет, Дераға 4 рет, Дейр-із-Зорға 3 рет химиялық қарумен шабуылдаған.