Ресей Федерациясының мемлекеттік думасы баласы булллингке барған ата-анаға айыппұл салуды ұсынды. Дәлірегі,  «Парламент газеті» мерзімді басылымында жасөспірімдердің агрессиясын бәсеңдету туралы заң жобасының алдын ала нұсқасының авторы, мемлекеттік думаның жастар саясаты жөніндегі комитетінің жетекшісі Артем Метелев осындай бастама көтерді. Бұл жайында islam.kz порталы lenta.ru ақпарат көзіне сілтеме жасай отырып мәлім етеді. Бұл бағытта буллинг терминіне нақты құқықтық анықтама берілуі тиіс. Соңғы жылдары бұқаралық ақпарат құралдары мен әлеуметтік желіде жиі айтылатын буллинг ұғымына қандай да бір тұлғаны немесе оқушыны көзге шыққан сүйелдей сүйкімсіз етіп көрсету, ұдайы зорлық-зомбылық көрсету секілді әрекеттерді жатқызуға болады.