Австралия елде алғашқы 7 миллиард долларға бағаланатын «жасыл» облигациясын шығарды. Бұл жайында islam.kz порталы ESGNews ақпарат көзіне сілтеме жасай отырып мәлім етеді. Бұл бағалы қағаздарды шығару шарасы жасыл сутегін өндіруді, экологиялық таза көлікті дамытуды және биологиялық әралуандылықты сақтауды қоса алғанда, климат дағдарысының бетін қайтаруға септігін тигізетін жобаларды қаржыландыруға бағытталған. Аталмыш жоба Австралияның 2050 жылға дейін атмосфераға бөлінетін парникті газдардың мөлшерін нөлдік деңгейге түсіруге қол жеткізу мақсатында қолға алынып отыр.