Кейінгі 20 жылда атмосферадағы парниктік газ концентрациясы адамзат тарихында болмаған деңгейге жетті. Біріккен Ұлттар Ұйымының ауа райын бақылау мекемесі жуырда осындай дерекпен бөлісті Бұл туралы 24 kz ақпарат көзі хабарлады. 

Мамандардың айтуынша, былтыр қөмірқышқыл газының шығарындылары рекордтық деңгейге жеткен. Мұндай көрсеткіш соңғы рет 3 миллион жыл бұрын болған көрінеді.

«Жағдайдың күрт нашарлауына әлем елдерінде жиілеп кеткен орман өрттері себеп болуы мүмкін», – дейді аталған ұйым өкілдері.

Айта кетейік, қазір ауадағы CO2 концентрациясы индустриалды дәуірге дейінгі көрсеткіштен 51%-ке жоғары. Ал метан көлемі 1750 жылдан бері 165%-ке артқан. 

Әлемде ормандағы өрттен жыл сайын 12 мың адам ажал құшады

Ғалымдар осындай қорқынышты болжам жасап отыр. АҚШ-та тілсіз жау өршіп, үлкен қауіп төндіріп тұр.  АҚШ-тың Массачусетс штатының Миллбери қаласында орманнан өрт шықты. Табиғи апаттан қазірдің өзінде 1 әйел адам ажал құшқан.

Тілсіз жау Жаңа Англия аймағына да қауіп төндіріп тұр. Өрт сөндірушілерге құрғақ ауа мен екпінді жел кедергі жасап отыр. От 24 гектар аумақты жалмап үлгерген. Мамандар: «Ормандағы өрт бұдан да қатты өршуі мүмкін», – деп ескертті.     

The Guardian: Жыл сайын ормандағы өрттен 12 мың адам көз жұмады

Ормандағы өрттің қаупі күшеймесе, сейілмек емес. Британиялық The Guardian басылымы: «Тілсіз жау жыл сайын 12 адамның өмірін қияды», – деп дабыл қақты. Бұған «Табиғат Климат өзгерісі» ғылыми журналында жарияланған зерттеу себеп болған. «Ғаламдық жылыну салдарынан орманда от жиі тұтанады», – дейді мамандар. 2003 пен 2019 жылдар аралығында өртенген жасыл желек аумағы 16%-ке көбейген.  

Сан-Паулуда өрттен сақтандыратын мурал салынды

Бразилиялықтар ормандағы өртпен күресудің жолын қарастырып жатыр. Сан-Паулуда белсенді суретші 11 қабатты зәулім үйдің тұтас қабырғасына мурал салды. Ол ормандағы өрттен қалған күлді пайдаланған.

Мундано, суретші: - Бұл муралды салуға ормандағы өрттен қалған күлдің қалдығы пайдаланылды. Қазір біздің елде, тіпті, бүкіл әлемде қоршаған ортаны құртуға қатысты ауыр қылмыстар жасалып жатыр. Муралдың биіктігі 30 метрден асады. Ені – 48 метр. «Орманды өрттен сақтаңдар» деп алыстан атойлап тұрады.

Авторы: Ернат Рахметолла. 
 Дерек көзі: 24.kz