Біріккен Араб Әмірліктерінде әлемде алғашқы ерекше банкомат пайда болды. Алтын немесе күміс құймаларын беретін. Бұл жайында islam.kz порталы өз кезегінде ArabianBusiness ақпарат көзіне жөн сілтеген BUSINESS EMIRATES агенттігіне сілтеме жасай отырып мәлім етеді. Қаржы активтері саласындағы бірегей жобаны Emirates Gold және Malaysian Public Gold жүзеге асырып, әәмірлік компаниясының қайта өңдеу мен логистикасын малайзиялық серіктесінің цифрлық инфрақұрылымымен біріктірді. Алғашқы аппарат Almas Tower-де орнатылады, ал 2026 жылы ел аумағында тағы 35-40 осындай құрылғыны орналастыру жоспарлануда. Әрбір банкомат 70-тен астам алтын және күміс құймаларды сыйғызып, тәулік бойы жұмыс істейді. Пайдаланушылар құймаларды электрондық әмияндарды немесе кредиттік карталарды пайдалана отырып сатып ала алады және олардың цифрлы шоттарына байланған нақты алтынды ала алады. Бұдан басқа, әзірлеушілер жаңа функцияларды дайындауда: онлайн тапсырыстарды беру, криптовалюталарды айырбастау және токенделген алтынды өтеу. Сарапшылардың айтуынша, БАӘ «әлемдегі нақты алтын саудасының ең сенімді орталығы» болып қала береді, ал банкоматтарды іске қосу болашақ қымбат металдар нарығы үшін маңызды кезең болып тарихта қалады. Мұндай құрылғылардың желісін кеңейту алтын саудасының инфрақұрылымын нығайту жөніндегі DMCC стратегиясына сәйкес келеді және халықтың шағын номиналды ашық инвестициялық өнімдерге өсіп келе жатқан сұранысына жауап береді. Айта кету керек, 2010 жылдың мамыр айында Әбу-Дабидегі Emirates Palace қонақ үйінде алтын құймаларын сататын әлемдегі алғашқы «Gold to Go» автоматы орнатылып, іске қосылды. Бірақ, аталған араб елінде 2010 жылы орнатылған Gold to Go алғашқы «алтын банкоматтарынан» айырмашылығы - құймаларды жылдам сатумен әдеттегі вендинг принципі бойынша жұмыс істеген, ал жаңа Emirates Gold және Public Gold автоматтары бірінші fintech-enabled ретінде орналасқан: ол цифрлық әмияндармен және банк инфрақұрылымымен біріктірілген, сатып алуды жеке онлайн-аккаунтқа байланыстыруға мүмкіндік береді, цифрлы және нақты алтынмен жүргізілетін операцияларға арналған, алдын ала тапсырыс алудан бастап токенизацияға және крипто-конверсияға дейінгі функциялардың кеңейтілген ассортиментін ұсынады.