Біріккен Араб Әмірліктерінің қоғамдық даму министрлігі азаматтық қоғам құрудың тағы бір тегеурінде шарасын қолға алды, дәлірегі, өмірдің барлық саласына, атап айтқанда, әлеуметтік-экономикалық, экологиялық, саяси, мәдени, т.б. салаларда адам құқығы ескерілетін «Адам құқығы жөніндегі одақ» атты қауымдастық құратынын жариялады. Бұл жайында islam.kz порталы The National ақпарат көзіне сілтеме жасай отырып мәлім етеді. Аталмыш ұйымның штаб-пәтері Әбу-Даи қаласында орналасады. Оның қызметі күллі БАӘ аумағын қамтымақ. Бұл бағытта адам құқығының сарапшылары мен халықаралық құқық қорғаушыларға мемлекет тарапынан ұсынылатын ұлттық есебі бойынша кеңес беру қызметі көрсетіледі. Сондай-ақ, адам құқығы бойынша сауат ашу шаралары, соның ішінде, шеберлік сабақтары мен семинарлар, арнайы дәрістер, т.б. ұйымдастырылады. Әлем қауымдастығының тәжірибесі ескеріледі.