Форекстің (халықаралық валюта айырбастау нарығы) дерегіне негізделген таяудағы статистикалық есебі ақша операцияларына байланысты араб елдері арасындағы едәуір айырмашылықтарды анықтап берді. Бұл жайында islam.kz порталы Morocco News ақпарат көзіне сілтеме жасай отырып мәлім етеді. Бұл есеп аймақтағы арабтардың төлем жасаудағы қандай құралға артықшылық беретінін және қаржылық цифрландыру деңгейлерін көрсетеді. Марокко қолма-қол ақшаға тәуелділігі орташа елдерге жатады, бұл ретте ақша операциялары барлық қаржылық қызметтің 65 пайызын құрайды. Ливан 90 пайызға дейін қолма-қол қаражатты пайдалану көрсеткішімен өңірлік рейтингте көш бастап келеді, одан кейінгі орында Ирак тұр - 85 пайыз. Мысыр мен Иордания да қолма-қол ақшаға тәуелді күйінде қалып отыр, екі ел де шамамен 80 пайыз. Бұл фактор күнделікті қаржылық операцияларда нақты валютаның үстемдігін көрсетеді. Екінші жағынан, Парсы шығанағы елдерінің қолма-қол ақшаға тәуелділіктің көп азайғанын байқауға болады. Сауд Арабиясы мен Кувейтте қолма-қол ақшаны пайдалану көрсеткіші 30 пайызды құрайды, Катарда 25 пайызға дейін, ал Біріккен Араб Әмірліктері мен Бахрейнде 20 пайызға дейін төмендеген.