Әлеуметтанудан дәріс беретін Маһмұт Қараман үйсіз-күйсіздерді тамақтандыру үшін әр түн сайын көшеге шығады. Осы мақсатта, тіпті, жылжымалы асхана да сатып алған. Өз қаражатына. Ол әр түні мыңға жуық үйсіз-күйсіздерді ыстық аспен қамтамасыз етіп келеді. "Ыстамбұлда кем дегенде 5000 адамның баспанасы жоқ. 10 мыңға таяу сириялық босқын далада түнейді. Шамам келгенше оларға көмектескім келеді, алайда, бәріне бірдей шамам келе бермейді",- деді ағынан ақтарылған Маһмұт. Жұбайы да Маһмұттың бір жағына шығысып, мұқтаж отбасыларға қажетті бұйымдарды жинайды. Түрмыстық заттарды сириялық босқындарға таратып жүр.