Бұған сусамыр мен жүрек-қан тамыр аурулары себеп болады, яғни, аталған ауру түрлері “ақылды” дәрі-дәрмекке деген сұранысты бернеше есеге арттырады. Бұл жайында islam.kz порталы Healthcare Asia ақпарат көзіне сілтеме жасай отырып мәлім етеді. ResearchAndMarkets.com дерек көзінің мәліметінше, күллі әлем бойынша «ақылды» дәрі-дәрмек нарығының орташа жылдық өсу қарқыны 12,85% шамасында сақталса, 2024 жылы $5,07 млрд-тан 2033 жылы $15,05 млрд-қа дейін өседі - медициналық технологиялар саласындағы жетістіктермен және инвазивті емес диагностикаға сұраныстың өсуімен байланысты. Ақылды «дәрі-дәрмек» немесе жұтуға арналған датчиктер дәрінің тиісті жеріне жетуін қадағалау, асқазан-ішек жолдарының мониторингі және созылмалы ауруларды емдеу үшін микроэлектрониканы медицинамен біріктіреді. Нарық миниатюралық электроника және сымсыз байланыс саласындағы жетістіктерге толы болғандықтан «ақылды» дәрі-дәрмекті тиімді және арзан етеді. Дегенмен, «ақылды» дәрі-дәрмекті өндіру әрі әзірлеу көп шығынды қажет ететінін айта кетпекпі. Өйткені, мұндай дәрі-дәрмек өндірісінде микрочип, датчик және сымсыз компоненттер қолданылады. Бұл жайт «ақылды» дәр-дәрмекті арзандатуға мүмкіндік бермейді.