АҚШ билігі Сауд Арабиясына екі ел арасындағы тарихта бұрын-соңды болмаған рекордтық көрсеткіште, дәлірегі, 115 млрд долларға қару-жарақ сатпақ. Айта кетейік, Барак Обама Ақ үй қожайыны атанғалы бері, яғни, 2009 жылдан бері америкалықтар Саудияға әскери-өнеркәсіп кешенінің сан түрлі өнімдерін жеткізген: қолға ұстайтын қару түрлерін есептемегенде тікұшақ, танк, зымыран көлігі, әскери кеме, т.б. Бұған қоса, АҚШ Сауд Арабиясының қарулы кұштерін жаттықтырып келеді. Тағы бір айта кететін жайт: Сауд Арабиясы 2015 жылы әлемдегі ең ірі қару-жарақ импорттаған ел атанды. Тек өткен жылдың өзінде Сауд арабиясы қару-жарақ импортына  9,3 миллиард доллар жұмсаған.