Израилдік Steadicopter компаниясының мамандары әлемде тұңғыш рет электрмен жүретін ұшұышсыз ұшатын тікұшақ шығарды. Black Eagle 50 Electric тікұшағы әскери және азаматтық мақсатта қолдануға арналған. Бұл жайында islam.kz порталы Defence Blog ақпарат көзіне сілтеме жасай отырып мәлім етеді. Аталмыш тікұшақты төтенше жағдай кезінде, дәлірегі, іздеу-құтқару опреацияларында, сондай-ақ, кибернетика саласында, барлау қызметінде, газ бен мұнай мұнараларын тексеру, әскери теңіз флотында пайдалануға болады. 50 келі тартатын тікұшақ 30 келіге дейін жүкті алып жүре алады. Ол әуеде 2 сағатқа дейін бола алады. Тікұшақ электрмен қозғалатын қозғалтқышпен жыбдықталғандықтан атмосфераға зиянды қалдық бөлмейді.