Халықаралық «Walk Free Foundation» қоры жылсайынғы Жаһандық құлдық индексін жариялады. Зерттеушілердің мәліметінше, қазір әлем бойынша 45,8 миллион адам құлдықта жүр екен. Бейнелеп айтқанда, бұл көрсеткіш бір мемлекеттің, дәлірегі, Испания халқынының санына тең. Сонымен қатар, бұл көрсеткіштің 2014 жылғы индекске қарағанда он есе артық екені белгілі болды. Жыл сайын Жаһандық құлдық индексіне 167 елдің мәліметтері алынады. «Walk Free Foundation» дерегіне сүйенсек, қазірдің өзінде Ресейде бір миллионға жуық адам құлдықта. Жарияланған мәліметтер бойынша, құлдықта жүрген адамдар саны көп елдердің арасында Солтүстік Корея (4,37 пайыз), Өзбекстан (3,97 пайыз), Камбоджа (1,65 пайыз), сонымен қатар, Үндістан мен Катар бар. Құлдықтағылардың саны жөнінен Үндістан (18,35 миллион) көш бастап тұр екен. Одан кейінгі орындарда - Қытай (3,39 миллион) және Пәкістан (2,13 миллион). Ал Люксембург, Ирландия, Норвегия, Дания, Швейцария, Австрия, Швеция және Бельгия, АҚШ және Канада бұл тізімде соңғы орындардан көрінді. "Бұл елдерде экономикалық жағдай тұрақтанған, сонымен қатар, жанжал деңгейі төмен", - деді мамандар.