Чехияның асқан сұлуы, танымал супер-модель, әлем аруы Маркета Коринкова ислам дінін қабылдады. Кейін ол атын да мұсылманшалап, Мәриям деп ауыстырып, өзінің Біріккен Араб Әмірлігінде тұрақтап қалғысы келетінін айтты.

Әлемді мойындатқан ару қыздың өмірінің бұлайша күрт өзгеруіне исламдағы әйелдерге деген ерекше құрмет себеп болды. Ол мұндай шешімге келу үшін үш жылдай дайындалған. Христиан храмдарынан көңілім жай таппады, күйзелісімді жеңе алмадым, ақиқатты исламнан таптым дейді ол. Киноактриса, дизайнер, модель ретінде танымал болған Мәриям Дубайда қалып, ислам туралы тереңірек білгісі келеді. Оның киім үлгісі де өзгеріп, шариғатқа сай киінетін болды.