Біріккен Араб Әмірліктерінде әдепсіз шаш үлгісін қойғаны үшін 46 футболшыға айыппұл салынды. Сән қуамын деп жазықты болғандардың қатарында Гананың танымал шабуылшысы, қазіргі уақытта "әл-Аһли" командасының құрамында ойнап жүрген Асамоа Гьян де бар. Аталған елге келген спортшылардың дені осындай себептермен (атап айтқанда, әдепсіз киіну, шаш үлгісін қою, т.б.) талай рет айыпты болып жатады. Жергілікті халықтың салт-дәстүрімен санасуы үшін жатжұрттықтарға осындай шаралар қолданатын аталған ел жаһандану кезінде батыс экспанциясынан да қорғана біледі.