Әлемдегі кедейлік деңгейі 22 жылдан бері тұңғыш рет өскен. Бұл жайында islam.kz порталы Біріккен Ұлттар Ұйымының бас хатшысы Антониу Гутерриштің ресми мәлімдемесіне сілтеме жасай отырып мәлім етеді. БҰҰ бас хатшысы мәлімдемесінде, сондай-ақ, тұрақсыздық жайлаған, қарулы қақтығыс орын алып отырған аймақтардағы экономиканың кері кетуінен тағы 18-27 млн адамның кедейлік қамытына кіретінін тілге тиек етті. Бұдан бөлек, Бүкіл әлемдік банк келтірген мәлімет бойынша 2030 жылға қарай әлемдегі кедейлердің үштен екісі тұрақтылығы шайқалған елдерде өмір сүреді. Кедейліктің кеңінен етек алуына жұқпалы індет пандемииясына байланысты елдер арасындағы барыс-келіс пен алыс-берістің, сауда-саттықтың төмендеуі себеп болып отыр.