Сауд Арабиясының билігі 2000 тәуелсіз мектеп ашуды жоспарлап отыр. Яғни, оларға толық дербестік береді: білім беру ісінде де, қаржыны өз бетінше табуына да мүмкіндік беріледі. Осылайша, аталған ел билігі бюджет тарапынан білім беру саласына жұмсалатын қаржыны үнемдейді әрі білім сапасының артатынына үміттеніп отыр. Бір қызығы, бұл білім мекемелерінде оқушылар білімді тегін алатын болады. Яғни, ақылы емес. Білім беру министрлігінің бастамалар жөніндегі бас директоры мен тәуелсіз мектептер директоры Ахмет Абдалла Каранның айтуынша, бұл жоба халықаралық ұйымдармен бірлесе жүзеге асырылады.