Ресей Федерациясының Челябі облысындағы Течен елді-мекенінің тұрғыны  Хамидулла Елшібаев ауданы 99 шаршы метрді құрайтын үй тұрғызу үшін 12 мың шампан шөлмегін пайдаланған. Кірпіш орнына. Оның құрылысына үш жыл кеткен. Осынау өзгеше жобаны баспанаға мұқтаждықтан емес, 2007 жылы қаза тапқан ұлының шыныдан үй салсам деген арманын орындау үшін қолға алған. Қажетті материалды шыны ыдыстарды жинайтын арнайы пунктен әр данасын 1 рублден сатып алған. Шыныдан қаланған екі қабатты үйдің бірінші қабатында асүй, дәліз, төрт бөлме, ал екінші қабатында жатын бөлмесі бар. Бұл жайында metrinfo.ru ақпарат көзі хабар таратты.