«Global Firepower» порталы Орта Азиядағы әскери күштік құрылымы мықты мемлекеттер рейтінгісін жариялады.

Зерттеу барысында, Өзбекстан республикасының әлемнің 126 елі ішінде 54-ші орыннан 48-ші қатарға көтерілгені белгілі болды. Сондай-ақ, Өзбекстан бүгінгі күнде Орта Азияда ең қуатты әскері бар елге айналған.

ТМД елдері ішінде Ресей мен Украина республикаларынан кейінгі үшінші орынды алады, деп жазады CA-News.

Күштік құрылым қуаты жағынан Орта Азияда Қазақстан 53-ші, Түркменстан – 86, Қырғызстан – 110 және Тәжікстан – 112 орында.

Портал деректеріне сүйенсек, қазіргі уақытта Өзбекстан әскери құрылымында 450 танк, 166 ұшақ, 715 жаяу әскер көлігі, 143 көлік, 880 қару және 109 отты дүркін жүйесі бар. Елдің жыл сайынғы әскери бюджеті 70$ млн құрайды.