Әссәләмуғалейкум уә рахматуллаһи уә бәракәтуһ! Сізге бір сұрақ. Егер, ер адам ораза екенін біліп, қолымен ұрықты сыртқа шығарса, қаза бола ма, кәффәрат бола ма?
|
Ораза ұстап жүріп «истимнә» жасаса, кәффәрат өтей ме, қаза ма?
|
Уағалейкумуссәләм уә рахматуллаһи уә бәракәтуһ!
Өз-өзін қанағаттандыру арқылы ағзасынан ұрық шығаруды фиқһ тілінде «истимнә» дейді. Аталмыш әрекетті Ислам ғалымдары құп көрмеген, тек зинаға түсіп қою қауіпі туындаған жағдайда, зинаның алдын алу үшін, рұқсат делінеді.
Ал, оразаға қатысты үкімін айтар болсақ, ол әрекетті күндіз, яғни аузы берік кезде жасаған кісі Рамазан айынан кейін бір күн қазасын өтеуі керек, кәффарат қажет емес[1]. БІрақ, сол күнді соңына дейін аузы берік күйінше өткізеді.
Осы орайда, оразаны себепсіз әдейі бұзу - харам. Сондықтан да, аузы берік бола тұра әлгіндей әрекетке бару тек қаза ету үкімін тудырғанымен, оразаны әдейі бұзғаны үшін де күнә істеген болады.
[1] Өйткені, кәффарат қажет деуіміз үшін ораза бұзатын жағдай «маънән», әрі «суратән» жүзеге асқан болуы керек. Яғни, рақаттық сезуімен бірге, шынайы тұрғыда жыныстық қатынасқа түскен болуы керек. Бұл мәселеде тек «маънән» жүзеге асып отыр. Сол себепті, қаза керек дейміз. Бірақ бұл әрекетті бір рамазан айы ішінде күндіз ауыз берік кезде қайталаса, кәффарат өтеу керек дейтін тұжырым да бар.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
■
Әртүрлі тақырыпқа қатысты үш сұрақ
