Ресейдегі Сколков ғылым және технология институтының ғалымдары қатерлі ісікті диагностикалау үшін биомаркер ретінде пайдалануға болатын РНҚ-ны (DEANR1/linc00261) анықтады. Бұл жайында islam.kz порталы gazeta.ru ақпарат көзіне сілтеме жасай отырып мәлім етеді. Аталған зерттеу барысыеда білікті мамандар майлар мен глюкозаның алмасуын реттейтін, ұзын кодталмаған РНҚ LL35 (гендерден ақпаратты оқиды, бірақ нақты деректерді тасымалдамайды) функцияларын талдады. Дегенмен, ол РНҚ-ның басқа түрлері сияқты бұл қосылыстарды ақуызға айналдырмайды, бұл өз кезегінде бауыр функциясының бұзылуына әкеледі. Есесіне оны организмдегі деңгейін анықтау арқылы онкологиялық ауруларды диагностикалау үшін биомаркер ретінде қолдануға болады (патологиялық процестерде оның мөлшері азаяды). Сонымен қатар, зерттеушілер DEANR1/linc00261 ісіктің пайда болуына ықпал етуі мүмкін екенін байқады. Ғалымдардың айтуынша, аталмыш жаңалық онкологиялық ауруларды анықтау мен емдеудің жаңа түрлерін немесе әдіс-тәсілін қалыптастыруға мүмкіндік береді.

Улы ағаштан қатерлі ісікке қарсы белсенді қоспа табылды

Биологтар трансгенді экспрессия арқылы зиянсыз темекі өсімдіктеріндегі улы ағаштан моридиннің аналогтарын ала алуға қол жеткізген. Бұл жайында islam.kz порталы аталмыш зерттеу материалы жарияланған Journal of the American Chemical Society мерзімді басылымына сілтеме жасай отырып мәлім етеді. Осылайша австралиялық ғалымдар зиянсы өсімдік тінінде мородинді биологиялық тұрғыдан синтездеудің тың әдісін ойлап тапты. Бұл жаңалық өз кезегінде қатерлі ісікті емдеуге пайдасын тигізетін қосындының ерекшелігін зерттеуге мүмкіндік бермек. Австралия құрлығында өсетін улы ағаш (Dendrocnide moroides) қалақай тұқымдасына жататын өсімдік. Ол табиғаттың ең ауыр токсиндерінің біріне жататын, моридин деп аталатын қосынды сіңген, жұқа кремнилік инелерімен қапталған. Аталмыш зерттеуге атсалысқан Уайтхед институтының ғылыми қызметкері Жин-Ке Уенгтың айтуынша, аталған улы зат қатты ауырсынуды тудырып, ұзақ уақыт бойы әсері кетпейді. Мородиннің өзге де жағы бар: ауырсынуды тудырудан басқа, бұл қосынды жасушалардың цитоскелетімен байланысып, олардың бөлінуіне жол бермейді, яғни, метастаздың дамуына, яғни, қатерлі ісік жасушаларының таралуына кедергі келтіреді. Мородин - бициклді пептид. Оны аса күрделі химиялық құрылымына байланысты синтездеу мүмкін емес. Осыдан төрт жыл бұрын ғалымдар ғалымдар годжи жидектерінен алғаш рет табылған lyciums деп аталатын өсімдік пептидтерінің басқа түрінің биосинтезінің тетігін анықтаған болатын. Бұл деректерді пайдалана отырып, олар Kerria japonica прекурсоры генінің трансгенді экспрессиясы арқылы темекі өсімдіктерінде әртүрлі мородин аналогтарын жасай алды. Нәтижесінде ғалымдардың әдісі моридинның химиялық құрамын өсіруге, жинауға әрі зерттеуге оңай өзге өсімдікте өндіруге мүмкіндік беріп отыр. Жаңа зерттеуде ғалымдар, сонымен қатар, целлогентин С деп аталатын мородиннің аналогын синтездеді. Олар оның обырға қарсы белсенділігін адам өкпесінің қатерлі ісігінің жасушалық желісіне қарсы сынап көрді және қосындының патогендік жасушаларға уытты болып келетінін анықтады